Waxaa manta Shir iskugu yimid Maamulka Gobolka Mudulood ee Banaadir iyo Saraakiisha Ciidanka Ilaalinta Deegaanka Mudulood ee Xamar, kaasi oo looga hadlayay arimo badan oo la xiiriira hawlaha kala duwan ee Ciidankaasi ayaa maanta lagu qabtay xarunta ciidankaasi ee magaaladda Abgaal town ee Muqdisho. Shirkaas oo ay ka qeyb galeen qaar ka mid ah Masuuliyiinta Gobolka Mudulood ee Banaadir , Gaar ahaan ku xigeenka arimaha bulshadda Maxamed Cusmaan Cali (Dhagaxtuur) iyo Taliyaha Ciidanka Ilaalinta deeagaanka Mudulood ee Xamar G/Sare Cali Cosobow , waxaa loogaga hadlay Arrimo dharwr ah , oo ay ugu horeyso sidii ciidankaasi ay u laba laabi lahaayeen Hawlaha ay u hayaan Bulshadda Soomaaliyeed, gaar ahaan sida Uruurinta Cashuuraha kala duwan, Caafimaadka, Aadaabta suuban iyo ilaalinta dhaqanka iyo dhismaha qeybaha Ciidanka. Taliyaha Ciidanka Ilaalinta Deeganka Mudulood ee Xamar G/Sare Cali Cosobow oo ugu horeyntii ka hadalay halkaasi ayaa sharaxaad ka bixiyay wax qabadka Ciidanka Xiligaan iyo hawlaha Horyaala, waxaana uu sheegay in Ciidanku uu haatan ku hawlan yahay sidii uu u gudan lahaa hawlaha uu u xilsaaran yahay oo ah kuwo adeeg bulsho ah iyo uruurinta dakhliyadda kala duwan ee Dawladda Hoose ee Xamar, isagoo sheegay in uu si toos ah uga hawl galo suuqyadda kala duwan ee magaladda si buu yiri ay u soo uruuriyaan cashuuraha ku waajibay dadweeynaha kuwaas oo uu carabaabay in wax loogaga qabanaayo Naadaafadda bilicdda caasimadda iyo Nolosha ciidanka Ilaalinta deegaanka Mudulood ee Xamar. Ku-Xegeenka duqa magaaladda Abgaal town ee Muqdisho ee dhinaca arimaha Bulshadda Maxamed Cusmaan Cali (Dhagax Tuur) oo isna ka hadlay shirkaasi ayaa ku nuux nuuxsaday waajibaadka balaaran ee saran ciidanka ilaalinta deegaanka iyo sida ay laga mamaanka ay u tahay in ay u gutaan waajibaadakaasi sidii loogu talagalay.Md. Dhagaxtuur waxaa uu sheegay in inkastoo Ciidanku ay soo gaareen Dhibaatooyin badan ayna weli jiraan balse loo baahan yahay in ay u dhabar adeegaan, waxaana uu xusay in good ahaan arimahaasi oo dhan laga gudbi doono. Maxamed Cusmaan Dhagaxtuur waxaa kale oo uu intaasi ku daray in ciidanka Ilaalinta Deegaanka loo abuuray in ay dhawladda Hoose ee xamar ay ka caawiyaan xagga arimaha Bulshadda iyo dhowridda iyo ilaalinta anshaxa suuban ee bulshadda sidaas darteedna ay waajib tahay in ay yeeshaan iskaashi min sarkaal iyo kan ugu hooseya si looga gun gaaro ujeedooyinka laga lahaa abuurista ciidankaasi.Dhinaca kale Ku xegeenka Dhinaca Arimaha Bulshadda ee Gobolka Mudulood ee Banaadir waxaa kale uu maanta kormeer uu ugu kuurgalayay Habsami u socodkaas hawlaha Waaxdda Beeraha iyo Xanaanadda Xoolaha ee dawladda hoose uu ku soo kala bixiyay dhawr Goobood oo ay dawladda hoose horay u dhireysay iyo dhismooyinka qaar ka mid ah jirdiinooyinka sida Tan FIAT oo ah halka uu ka bilowddo KMT-ka O ee Magaaladda Abgaal town Mugdisho iyo kuwo kale oo loogu tala galay in ay ku nastaan dadweeynaha xiliyadda aaney ku jirin shaqadda. kuwaasi oo muhiimad gaar ah u leh bilicdda iyo qoruxdda Magaalada Abgaal town ee Muqdisho.
No comments:
Post a Comment